Meet Our Staff

A tanglei hna hi ECBC ah caan tling, caan cheu le pumpek in riantuantu hna an si.

Rev. Dr. Hai Vung Lian

Rev. Dr. Hai Vung Lian

Pastor
Keimah cu Thantlang peng Thau khua ah a chuakmi ka si. No.1 SHS, Hakha, Chin State ah tanghra ka awng. Mandalay University B.SC (physics) in 1991 ah ka awn hnu ah Myanmar Institute of Theology ah ka peh i 1996 kum ah BD ka hmu. 1997 in U.S.A ah ka ra i United Theological Seminay, Dayton, Ohio ah sianginn ka kai i MATS (Master of Arts in Theological Studies) 1999 ah ka hmu i D.Mss (Doctor of Missilogy) 2007 ah ka hmuh.

ECBC, Columbus, OH ah caantling in rian ka tuan. Pathian nih fanu le fapa rosung pasarih a ka pek; nu 2 le pa 5 an si. An dihlak in U.S.A ah an si. Catial, thawngthachim, khuaruahhar thil kong hlethlai hi ka huam phun ngai an si. Zanglek ahcun bawlungchuih hi ka huam bikmi a si.
Pa Hre

Thla Hre

Bus Driver
Pa Thla Hre hi 2012 in ECBC Chungtel a si. Chungtel a si thok in nihin ni tiang khrihfabu bus zarh fatin le kan herh caan poah ah a kan mongh piak zungzal tu a si.
Ceute

Duh Ceu Cin

Choir Leader
Pa Duh Ceu CIn hi 2012 in ECBC chungtel a si. Chungtel a si thok in nihin tiang khrifabu hlahruai a si.
Saya Buan Thawng Lian

Saya Buan Thawng Lian

Choir Leader
Saya Buan Thawng Lian hi Thantlang peng Ruakhua khuami Rev. Hrang Tiam le Pi Thlia Ci nih an neih mi hna an fale 7 hna lakah a pahnih nak upabik a si. Pathian nih lam a hruai i Chin Christian University Hakha in Bachelor of Theology (b.th) 2004 ah a dih, Clark Theological College, Mokokchung, Nagaland, India ah Bachelor of Divinity (B.D) 2008 ah a dih hnu ah Myanmar Institute of Theology, Insein, Yangon ah Master of Theology (m.th) Biakam Hlun in 2012 ah a dih.

Thantlang Baptist Church, Thantlang nih Matupi Bible sianginn, Union Theological College, Matupi ah missionary in an thlah i Union Theological College ah caantling cachimtu dirhmun in kum thum le cheu chung (2012 October- 2016 January) tiang Pathian rian a tuan. Cu hnu ah Pathian nih a Biathiang cawng than dingin lam a hruai caah United Theological Seminary, Dayton, OH ah Master of Theological Studies in Biblical Studies (MTS) program kai dingin February, 2016 ah a phan i a tu hi sianginn a kai lio a si.

Emmanuel Chin Baptist Church, Columbus, Ohio ah chungtel in an um i a tu lio ah Emmanuel Chin Baptist Church, Columbus, Ohio ah Hla hruai tu dir hmun in Pathian rian a tuan lio a si. A nupi Pi Van Iang Hnem le an fale 4 nu pahnih pa pahnih tiin United Theological Seminary, Dayton, Ohio ah an um lio a si.
Samuel

Samuel Thawng

Pianist
Samuel Thawng hi 2011 in ECBC chungtel a si. ECBC khrihfabu ah Keyboard caantling in a kan tum piaktu a si. Keyboard lawng si loin a herhnak paoh ah mino nih kan hmanmi a si.
Van Luai

Pu Vanluai Zathang

Social Worker
Pu Van Luai Zathang hi 2013 in ECBC chungtel a si. 2014 in nihin tiang Social Worker a tuanmi a si. Holh leh, phone chawnh piak, chiah thlah le khrihfabu nih kan herhmi paoh a kan tuah piaktu a si.